İran tərəfi SEPAH-ın göstərdiyi təzyiqlər səbəbindən danışıqlar prosesini yubadır.
Turkustan.az-ın məlumatına görə, bu barədə "Axios" nəşri yazıb.
"İslam İnqilabı Keşikçiləri Korpusu (SEPAH) nümayəndə heyətindən daha kəskin mövqe nümayiş etdirməyi açıq şəkildə tələb etdiyi üçün iranlılar prosesi ləngidirlər. Məlumatda vurğulanır ki, ABŞ-nin tətbiq etdiyi blokada aradan qaldırılmayana qədər heç bir müzakirə baş tutmayacaq", - deyə məqalədə bildirilir.
Nəşr bildirir ki, Türkiyə, Misir və Pakistan kimi vasitəçi dövlətlər Tehranı görüşlərə qatılmağa dəvət ediblər. Amerika Birləşmiş Ştatlarının Prezidenti Donald Tramp razılaşma əldə olunmayacağı təqdirdə bombardmanları davam etdirəcəyi barədə xəbərdarlıq etsə də, yekun müddəti çərşənbə axşamınadək uzadıb./oxu.az
