ABŞ-İsrail-İran müharibəsinin 41-ci günündə atəşkəs rejimi kövrək olaraq qaldığı üçün İran tərəfindən diqqətçəkən bir açıqlama gəldi.
Turkustan.az xəbər verir ki, İran xarici işlər nazirinin müavini sülh danışıqları üçün danışıqlar qrupunun Pakistanın paytaxtı İslamabada gedəcəyini açıqladı.
İran rəsmisi atəşkəs pozuntularına cavab verməyə hazırlaşdıqlarını, lakin Pakistanın müdaxiləsinin prosesi diplomatiyaya doğru yönəltdiyini bildirib.
Bəyanatda həmçinin ABŞ-dan İsrailin hücumlarının, xüsusən də Livanı hədəf alan hücumların qarşısını almağa çağırılıb.
Bu arada, Livanın Baş naziri Nəvaf Salam Pakistanlı həmkarı Şahbaz Şəriflə telefon danışığı zamanı ABŞ və İran arasında müvəqqəti atəşkəsə Livanın da daxil edilməsini istəyib. Pakistanın Baş naziri Şərif də öz növbəsində İsrailin hücumlarını pisləyib və Pakistanın Livanda sülh və sabitliyə nail olmaq üçün çalışdığını bildirib.
Aytən Yaşar/ Turkustan.az
