Təqaüddə olan ABŞ Dəniz Piyadaları Korpusunun kəşfiyyat zabiti Skott Ritter İranın ABŞ-la mümkün qarşıdurmada üstün mövqedə olduğunu iddia edib.
Turkustan.az xəbər verir ki, o, bu barədə təqaüddə olan ABŞ ordusunun polkovnik-leytenantı Daniel Devislə “YouTube” kanalında yayımlanan müsahibəsində bildirib. Ritter qeyd edib ki, İran bu mübarizədə daha hazırlıqlıdır.
Onun sözlərinə görə, Tehran aydın strategiyaya malikdir və bu plana ardıcıl şəkildə əməl edir:
“İranlılar bu müharibədə qalib gələcəklər, çünki nə etdiklərini bilirlər. Onların bir planı var, ona sadiq qalırlar və bu plan işləyir”.
Ekspert hesab edir ki, ABŞ tərəfi isə əksinə, konkret strategiya olmadan hərəkət edir və proseslərə daha çox reaksiya verməklə kifayətlənir. O iddia edib ki, Tehran müəyyən mənada Vaşinqtonda qərar qəbuletmə dinamikasına təsir göstərir. /Globalinfo.az/
