ABŞ, İsrail və İran arasında davam edən münaqişənin 12-ci günündə diqqət çəkən bir diplomatik irəliləyiş baş verdi.
Turkustan.az xəbər İspaniya hökuməti "Rəsmi Qəzet"də dərc olunmuş fərmanla İsraildəki səfirini vəzifəsindən azad etdi. Yaxın Şərqdə gərginliyin artması fonunda verilən bu qərar beynəlxalq ictimaiyyətdə geniş əks-səda doğurub.
İspaniya Xarici İşlər Nazirliyindəki mənbə səfirin vəzifədən alınmasından sonra Təl-Əvivdəki diplomatik nümayəndəliyin artıq müvəqqəti işlər vəkili səviyyəsində saxlanılacağını açıqladı. Buna uyğun olaraq, İspaniyanın İsraildəki səfirliyinə bir müddət müvəqqəti işlər vəkili rəhbərlik edəcək. Diplomatik protokolda bu cür addımlar iki ölkə arasında münasibətlərin tamamilə kəsilmədiyini, lakin təmsilçilik səviyyəsinin aşağı salındığını göstərir.
İspaniyanın qərarı müharibə dövründəki siyasəti nəzərə alınmaqla nəzərdən keçirilir. Əvvəllər Madrid hökuməti ABŞ-ın bəzi müttəfiq ölkələrdən baza dəstəyi istəməsinə baxmayaraq, ABŞ-ın Yaxın Şərqdəki əməliyyatları üçün hərbi bazalarından istifadə etməsinə icazə verməkdən imtina etmişdi. Bu, Vaşinqton və Madrid arasında qısa müddətli gərginliyə səbəb oldu və bəzi ABŞ rəsmiləri İspaniyanın mövqeyini tənqid etdilər.
Aytən Yaşar/ Turkustan.az
