Peyk görüntülərinin təhlili göstərir ki, ABŞ ilə artan gərginlik fonunda İran Amerika və İsrail hücumları nəticəsində dağıdılmış nüvə proqramı obyektlərini bərpa edir və təkrar hücumlar halında müdafiəsini gücləndirir.
Turkustan.az xəbər verir ki, bu barədə " Reuters" məlumat yayıb .
Nəşr İranın nüvə proqramındakı əsas yerlərdəki dəyişiklikləri təhlil edir. Xüsusilə, Qərb kəşfiyyatının məlumatına görə, nüvə detonasiya sınaqlarının keçirildiyi İranın nüvə proqramının ən vacib yerlərindən biri olan Tehranın təxminən 30 km cənub-şərqində yerləşən Parçin hərbi kompleksindən bəhs olunur.
İsrail 2024-cü ilin oktyabr ayında Parçinə hücum edib və ərazisindəki bir sıra binaları dağıdıb, bunu 2024-cü ilin noyabr ayına aid peyk görüntüləri də göstərir. 2025-ci ilin oktyabr ayına aid görüntülərdə bu ərazidə artıq yeni böyük bir bina və onun yanında bir neçə kiçik bina görünür, fevral ayında kosmosdan çəkilmiş fotoşəkillərdə isə yeni binalar ümumiyyətlə görünmür - onlar potensial zərbədən qorunmaq üçün beton sarkofaqın altında gizlədilib, üstünə torpaq təbəqəsi çəkilib.
Aytən Yaşar/ Turkustan.az
