İstanbul Baş Prokurorluğu tərəfindən aparılan narkotik araşdırmasının bir hissəsi olaraq, Beşiktaşdakı Bebek Hotel və Klein Phönix də daxil olmaqla altı əyləncə məkanında eyni vaxtda reydlər keçirilib.
Turkustan.az xəbər verir ki, əməliyyat zamanı aktyor Can Yamanın saxlanıldığı iddia edilib.
İstanbul Baş Prokurorluğu tərəfindən aparılan narkotik araşdırması çərçivəsində İstanbulun müxtəlif yerlərində yerləşən altı gecə klubunda eyni vaxtda əməliyyatlar aparılıb. Beşiktaşdakı Klein Phönix və Bebek Hotel də daxil olmaqla müəssisələrdə axtarışların aparıldığı məlum olub.
Polis və jandarma qruplarının iştirakı ilə keçirilən reydlər zamanı sözügedən yerlərdə ətraflı araşdırmalar aparılıb. Bildirilib ki, qruplar əməliyyat zamanı müxtəlif dəlillər üzərində işləyirlər.
Jurnalist Burak Doğanın verdiyi məlumata görə, məşhur aktyor Can Yaman da gecə klublarına polis basqınları zamanı saxlanılıb.
İstintaqın çoxşaxəli şəkildə davam etdiyi və əməliyyat çərçivəsində araşdırmaların davam etdiyi bildirilib. Bildirilib ki, səlahiyyətlilərdən rəsmi açıqlamalar gözlənilir.
Aytən Yaşar/ Turkustan.az
