İsrailin Baş naziri Binyamin Netanyahu Tehranın nüvə və raket proqramları ilə bağlı narahatlıqlar səbəbindən ABŞ prezidenti Donald Trampa İrana əlavə zərbələr endirmək üçün variantlar barədə məlumat verməyə hazırlaşır.
Turkustan.az xəbər verir ki, bu barədə NBC News öz mənbələrinə istinadən məlumat yayıb .
Planlarla tanış olan bir şəxs bildirib ki, "İsrail rəsmiləri İranın bu ilin əvvəlində İsrail hərbi hücumları nəticəsində vurulan ballistik raket istehsalını genişləndirməsindən getdikcə daha çox narahatdırlar və prezident Donald Trampı İrana təkrar zərbələr endirmək üçün variantlar barədə məlumatlandırmağa hazırlaşırlar".
Qeyd edildiyi kimi, çəkindirmə tədbirləri görülməsə, İran ballistik raket istehsalını ayda 3000-ə qədər artıra biləcək.
İranın nüvə obyektlərinin fəaliyyətinin bərpası ilə bağlı narahatlıqlar da var, lakin ballistik proqramın sürətlə genişlənməsi və hava hücumundan müdafiənin bərpası hazırda daha təcili təhlükə hesab olunur.
Aytən Yaşar/ Turkustan.az
