Ukraynanın öz maliyyə resursları 800.000 nəfərlik Silahlı Qüvvələri dərhal saxlamaq üçün kifayət deyil, ona görə də Ukrayna tərəfi ordunun tərəfdaşlar tərəfindən maliyyələşdirilməsini təhlükəsizlik zəmanətlərinin bir hissəsi kimi nəzərdən keçirir.
Turkustan.az xəbər verir ki, bu barədə Prezident Vladimir Zelenski Ukraynanın atəşkəs elan edildiyi təqdirdə 800 min nəfərlik ordunu müstəqil şəkildə maliyyələşdirə biləcəyi ilə bağlı sualı cavablandırarkən bildirib.
"Xeyr, buna qadir deyil, kifayət qədər maliyyə resursları olmayacaq, ona görə də liderlərlə bu dialoqu aparıram, çünki tərəfdaşlar hesabına ordumuzun qismən maliyyələşdirilməsini bizim üçün təhlükəsizlik zəmanəti hesab edirəm, çünki Ukrayna Silahlı Qüvvələri, ilk növbədə, "bir nömrəli" təhlükəsizlik zəmanətidir. Müharibədən sonrakı iqtisadiyyatı bərabərləşdirmək və ordumuzu özünümaliyyələşdirmək imkanına nail olmaq üçün bir az vaxta ehtiyacımız var. Hələlik tərəfdaşların köməyinə ehtiyacımız var", - deyə o bildirib.
Aytən Yaşar/ Turkustan.az
