Britaniyanın "The Guardian" qəzeti Suriyanın devrilmiş lideri Bəşər Əsədin qaçdığı Moskvada tibbi təhsilini bərpa etdiyini iddia edib.
Turkustan.az xəbər verir ki, Əsəd ailəsinə yaxın mənbə "The Guardian" qəzetinə açıqlamasında Bəşər Əsədin göz xəstəlikləri üzrə kurslar keçdiyini bildirib.
Əsəd ailəsi ilə əlaqə saxlayan bir dostu dedi: "O, rus dilini öyrənir və oftalmologiya sahəsindəki biliklərini təkmilləşdirir. Bu, onun ehtirasıdır; açıq-aydın ki, pula ehtiyacı yoxdur." Mənbə əlavə etdi: "Suriyadakı müharibə başlamazdan əvvəl də o, müntəzəm olaraq Dəməşqdə oftalmologiya ilə məşğul olurdu" və iddia etdi ki, Moskvadakı varlı elitalar Əsədin xəstə bazasını təşkil edə bilər.
61 illik Bəəs və 53 illik Əsəd rejimlərinin devrilməsindən sonra 2024-cü ilin dekabr ayında ölkəsindən qaçan Əsədin Moskva və BƏƏ-də ailəsi ilə birlikdə təcrid olunmuş, sakit və dəbdəbəli bir həyat sürdüyü bildirilir.
Aytən Yaşar/ Turkustan.az
