İtaliyanın bir çox şəhərində on minlərlə tələbə baş nazir Giorgia Meloni başçılıq etdiyi sağçı koalisiya hökumətinin təhsil siyasətinə və İsrailə verdiyi dəstəyə etiraz etmək üçün meydanlara çıxıb.
Turkustan.az xəbər verir ki, ölkənin paytaxtı Roma ilə yanaşı, Milan, Turin, Neapol, Genuya və Bolonya da daxil olmaqla bir çox şəhərdə lisey və universitet tələbələri “Qovun Günü” çağırışı ilə nümayişlər keçirib.
Milanda toplaşan 2000-ə yaxın etirazçı Meloni hökumətinin təhsil siyasətinə və 2026-cı il büdcəsində təhsildən daha çox müdafiə xərclərini ayırmasına etiraz edərək Duomo Katedrali kimi görməli yerlərin yanından keçib.
Nümayişdə tələbələr Fələstin bayrağının rənglərində məşəllər yandıraraq, həm İsrailə, həm də Meloni hökumətinin bu ölkəyə verdiyi dəstəyə etiraz olaraq “Məktəblər soyqırıma qarşı” və “Soyqırımı dayandırın” yazıları daşıyıblar.
Yürüş zamanı çoxlu Fələstin bayraqları açılıb, “Faşist, terror dövləti İsrail” kimi şüarlar səsləndirilib.
Aytən Yaşar/ Turkustan.az
