İspaniya hökuməti Türk Aerokosmik Sənayesi A.Ş. (TUSAŞ) tərəfindən hazırlanan Türkiyənin ilk milli reaktiv təlim və yüngül hücum təyyarəsi HÜRJET-in alınmasına icazə verib.
Turkustan.az xəbər verir ki, Nazirlər Şurasının oktyabrın 28-də keçirilən həftəlik növbədənkənar iclasında qəbul edilən qərarda bildirilib ki, “Nazirlər Şurası hazırkı AE.09 (F5) təyyarələrini əvəz etmək üçün döyüş və hücum təyyarələri üçün İnteqrasiya Təlim Sisteminin (ITS-C) alınması ilə bağlı təxmini dəyəri 3 milyard 120 milyon avro olan müqaviləni təsdiqləyib”.
Nazirlər Şurasının İspaniyanın Türkiyədən 45 HÜRJET alması ilə bağlı qərarında aşağıdakı ifadələr yer alıb:
Bu müqavilənin tələbi Hərbi Hava Qüvvələri və Kosmik Qüvvələrin döyüş və hücum təyyarələrində ixtisaslaşmış pilotların hazırlanmasında imkanların yenilənməsi, genişləndirilməsi və yenilənməsi üçün zəruri tələblərə cavab verməsini təmin edəcək. Bu sistem (ITS-C) yeni və mürəkkəb təhlükəsizlik ssenarilərində əməliyyatlar üçün adekvat hazırlığı təmin etmək məqsədi daşıyır. Müqavilə imzalandığı tarixdən 30 noyabr 2035-ci il tarixinədək qüvvədə olacaq və uzadılması mümkün olmayacaq.
Aytən Yaşar/ Turkustan.az
