ABŞ-da F-35 qırıcıları ətrafında müzakirələr getdikcə artır. F-35 ilə bağlı yekun müstəqil hesabat Konqresə təqdim edilib.
Turkustan.az xəbər verir ki, ABŞ Hökumətinin Hesabatlılıq Ofisinin (GAO) hazırladığı hesabata görə, proqramın büdcəsi nəticəsində istehsal edilən F-35 döyüş təyyarəsi Pentaqonun bəyan etdiyi gözləntiləri qarşılaya bilməyib və gələcəkdə bunu reallaşdıra bilməyəcək.
ABŞ Konqresinə təqdim edilən yekun müstəqil hesabat ABŞ ordusunun ən bahalı silah proqramı olan F-35 layihəsinin gözlənilən döyüş qabiliyyətini heç vaxt tam şəkildə təmin etməyəcəyini ortaya qoydu. ABŞ Hökumətinin Hesabatlılıq Bürosu (GAO) 2 trilyon dollarlıq F-35 proqramının "qüsurlu və mahiyyət etibarilə dayanıqsız" olduğunu bildirib.
Bu günə qədər 19 ölkəyə 1000-dən çox F-35 tədarük edilsə də, hesabatda təkrarlanan səhvlərin proqramın cari modernləşdirmə miqyasını məhdudlaşdırdığı göstərilir. Bu o deməkdir ki, ABŞ F-35-in gələcək döyüş imkanlarının çoxunu tərk edib. Həmin hesabatdan diqqət çəkən faktları təqdim edirik:GAO hesabatına görə, "Blok 4" olaraq təyin olunan F-35-in modernizasiya mərhələsi ilkin planla müqayisədə 5 il gecikib və xərclər 6 milyard dollar artıb.
Pentaqon 2019-cu ildə başlayan bu mərhələni "modernləşmə" kimi xarakterizə etsə də, hesabatda bunun əslində tamamlanmamış inkişaf prosesinin adının dəyişdirilməsi olduğu vurğulanıb. Hesabatda, 2024-cü ildə təhvil verilən 110 F-35 təyyarəsinin hamısının gecikdiyi, orta hesabla 238 gün gecikmə olduğu ifadə edildi. Bu rəqəm 2023-cü ildəki 61 günlük orta gecikmədən dörd dəfədir. O, həmçinin Pentaqonun istehsalçılara "vaxtında çatdırılma" təşviqi olaraq yüz milyonlarla dollar ödədiyini vurğulayır.
Aytən Yaşar/ Turkustan.az
