İsrail ordusu hərbi maşınlarla və nəzarət məntəqələri quraraq Suriyanın Quneytra əyalətindəki Sayda əl-Hanut kəndinə daxil olub.
Turkustan.az xəbər verir ki, Suriya dövlət televiziyası "Əl-İxbariyyə" İsrail işğalçı qüvvələrinin altı hərbi maşınla cənubi Kuneytra kəndindəki Sayda əl-Hanut kəndinə girdiyini, dörd evdə axtarış apardığını və kənddə və ətrafında dörd nəzarət məntəqəsi qurduğunu bildirib.
Suriya hökuməti İsrailin Quneytra və Dəraa kəndlərində mülki əhaliyə qarşı basqınları və hücumlarının 1974-cü ildə imzalanmış "Qüvvələrin Ayrılması haqqında Saziş"in açıq şəkildə pozulması olduğunu bildirir.
Prezident Əhməd Şaranın əvvəlki açıqlamasına görə, İsrail ordusu 8 dekabr 2024-cü il ilə 18 iyul 2025-ci il tarixləri arasında Suriyanın müxtəlif bölgələrində 1000-dən çox hava hücumu və təxminən 400 quru hücumu həyata keçirib.
Aytən Yaşar/ Turkustan.az
