Pekin və Vaşinqton arasında gərginlik artmaqdadır.
Turkustan.az xəbər verir ki, Nankin Universitetinin Beynəlxalq Münasibətlər Araşdırmaları İnstitutunun direktoru, professor Cen Anquanq “RİA Novosti”yə bildirib ki, Donald Tramp administrasiyası Çin aviaşirkətlərinə ABŞ-a uçuşlar üçün Rusiya hava məkanından istifadə etməyi qadağan edərsə, Çin qaçılmaz cavab verəcək.
“ABŞ bu şəkildə hərəkət edərsə, Çin mütləq cavab verəcək”, - ekspert bildirib.
O əlavə edib ki, əks tədbirlər ya qarşılıqlı, o cümlədən hava xidməti müqaviləsinin dayandırılması, ya da "nadir torpaq metallarının və təyyarə istehsalı üçün digər xammalın ABŞ-a ixracının məhdudlaşdırılması" kimi asimmetrik ola bilər. Bu cür addımların məqsədi sanksiyalar naminə sanksiyalar deyil, Vaşinqtonun doğru yola dönəcəyi ümidi ilə “ABŞ-ın aqressiv davranışına” qarşı çıxmaqdır.
Dənizdə də münaqişə qızışır. Çinin Nəqliyyat Nazirliyi Vaşinqtonun oxşar hərəkətlərinə cavab olaraq ABŞ-la əlaqəli gəmilərə xüsusi liman rüsumu tətbiq edib. Mütəxəssisin fikrincə, bu, “ABŞ-ın daşımalarına əhəmiyyətli dərəcədə mənfi təsir göstərəcək, əməliyyat xərclərini artıracaq”. Anquanq hesab edir ki, eskalasiya Çinin inkişafını cilovlamaq üçün təzyiqlərdən istifadə etməyə davam edən Vaşinqtonun dəyişməz mövqeyi ilə bağlıdır./publika.az
