İsrail Baş naziri ABŞ-da Elon Maskla görüşəcəyini açıqladı.
Turkustan.az xəbər verir ki, Netanyahu sosial medianın müasir dövrün yeni “müharibə vasitəsi” olduğunu bildirib. ABŞ-da BMT Baş Assambleyası çərçivəsində qatıldığı tədbirdə çıxış edən Netanyahu, sosial media platformalarının, xüsusilə də Elon Maskın sahibi olduğu X-in (keçmiş Twitter) bu kontekstdə artan əhəmiyyətindən danışıb.
Netanyahu, ABŞ-ın İsrailə dəstək verdiyi əməliyyatlarda texnologiya nəhəngi Oracle-ın roluna da toxunaraq, son dövrlərdə diqqət mərkəzinə düşən Çin mərkəzli TikTok-dan sonra növbənin X platformasına çatdığını qeyd edib.
“Müharibə alətlərindən istifadə etməliyik. Silahlar zamanla dəyişir,” – deyən Netanyahu, sosial medianın müasir dövrdə informasiya və təsir gücü baxımından mühüm bir alətə çevrildiyini vurğulayıb. Baş nazir həmçinin, ABŞ-dakı texnoloji baza dəstəyinin İsrail üçün strateji əhəmiyyət daşıdığını da əlavə edib.
Aytən Yaşar/ Turkustan.az
