Sentyabrın 4-də Berlinin Wedding rayonunda avtomobil izdihamın üzərinə sürüb, bir neçə nəfər, o cümlədən uşaqlar xəsarət alıb.
Turkustan.az xəbər verir ki, bu barədə “Bild” qəzeti məlumat yayıb.
Nəşrin məlumatına görə, qəza saat 13:10 radələrində baş verib. İlkin məlumata görə, BMW fırlanan zaman yeddi-səkkiz yaş arası uşağı vurub. “Bild”in məlumatına görə, 15 uşaqdan üçü yüngül xəsarətlər alıb. Onlar ən yaxın xəstəxanaya aparılıb.
Almaniya Fövqəladə Xidməti hadisənin terror aktı deyil, qəza olduğunu açıqlayıb.
Hadisə yerinə polis və yanğınsöndürmə xidmətinin əməkdaşları gəlib.
Aytən Yaşar/ Turkustan.az
