İsrail mediası baş nazir Binyamin Netanyahunun ifrat sağçı müttəfiqləri, milli təhlükəsizlik naziri İtamar Ben-Qvir və maliyyə naziri Bezalel Smotriçin Qəzza zolağında atəşkəs və məhbus mübadiləsi razılaşmasına mane olmağa çalışacaqlarını bildirib.
Turkustan.az xəbər verir ki, Yedioth Ahronot qəzeti milli təhlükəsizlik naziri Ben-Qvirin Qəzzada atəşkəs razılaşmasının qarşısını almaq üçün plan üzərində işlədiyini bildirib.
Deyilib ki, Ben-Qvir Qəzzada atəşkəsin qarşısını almaq üçün blok yaratmaq üçün Bezalel Smotriçə mesaj göndərib və ikisinin yaxın saatlarda görüşməsi gözlənilir.
Digər tərəfdən, nazir Smotriçin ofisindən verilən açıqlamada, atəşkəslə bağlı milli təhlükəsizlik nazirindən Smotriçə birbaşa mesajın verilmədiyi iddia edilib.
Bəyanatda deyilir ki, Ben Qvir birbaşa Smotriçdən kömək istəməkdənsə, mətbuata “hələ təyin olunmamış görüş”lə bağlı açıqlamalar verib.
Aytən Yaşar/ Turkustan.az
