ABŞ hökuməti Florida ştatındakı Everqleyds Milli Parkında 5 min çarpayılıq həbsxana tikməyə razılıq verib.
Turkustan.az xəbər verir ki, bu barədə “USA Today” məlumat paylaşıb.
100 kvadrat kilometr ərazini əhatə edəcək obyektin “Alliqator Alcatraz” adlandırılması qərara alınıb:
“Təcridxananın saxlanmasına ildə 450 milyon dollar xərclənəcək. Həbsxana bataqlıq ərazidə tərk edilmiş aerodromun uçuş-enmə zolağında yerləşir, 200-ə yaxın alliqator (timsah) və çoxsaylı pitonlarla əhatə olunub. Onun iyulun əvvəlində istifadəyə verilməsi planlaşdırılır”.
Nəşr Florida ştatının baş prokuroru Ceyms Utmeyerə istinadən yazır ki, təcridxanada qeyri-qanuni miqrantlar saxlanılacaq:
“Yerli hüquqşünaslar layihənin ətraf mühitə və cəmiyyətə mənfi təsirini göstərəcəyini deyir. Onlar təcridxananın tikintisinə etiraz edirlər”. /globalinfo.az/
