Rusiyada 8 və 9-cu sinif şagirdlərinin dərs proqramına pilotsuz uçuş aparatları texnologiyası və istifadəsi ilə bağlı yeni fənn əlavə edilib.
Turkustan.az xarici KİV-ə istinadla xəbər verir ki, yayımlanan yeni dərsliklə şagirdlərə dron texnologiyası və istifadəsi ilə bağlı biliklər veriləcək.
Qeyd olunur ki, bu təşəbbüs ABŞ sanksiyaları altında olan “Geoscan” adlı Rusiya dron istehsalçısı tərəfindən həyata keçirilir.
Bildirili ki, Rusiya Təhsil Nazirliyi 30 aprel tarixində “Geoscan” şirkətinin hazırladığı dərs vəsaitini rəsmi şəkildə təsdiqləyib. Yeni proqram çərçivəsində 500-dən çox məktəbdə və 30 universitetdə PUA texnologiyasının tədrisi planlaşdırılır.
Qeyd olunur ki, məqsəd 2030-cu ilə qədər 1 milyon PUA operatoru yetişdirməkdir. /AzPolitika.info/
