Dünyanın ən zəngin adamı, SpaceX, Tesla və X platformasının icraçı direktoru, ABŞ prezidenti Donald Trampın seçki prosesi zamanı ən böyük dəstəkçisi olan İlon Mask ABŞ hökumətindəki Hökumətin Səmərəliliyi Departamentindən (DOGE) ayrıldığını açıqlayıb.
Turkustan.az xəbər verir ki, son günlərdə İlon Maskın DOGE-dəki vəzifəsini tərk edəcəyi ilə bağlı şayiələr yayılsa da, Maskın qəti bəyanatı Trampla "vergilərin azaldılması qanun layihəsi" ilə bağlı fikir ayrılığından sonra gəldi.
“Xüsusi Hökumət Məmuru kimi səlahiyyət müddətim başa çatdıqda, mənə israfı azaltmaq imkanı verdiyi üçün cənab Trampa təşəkkür etmək istərdim”, – Mask sosial media platforması X-də deyib.
"DOGE missiyası zaman keçdikcə daha da güclənəcək, çünki bu, hökumət daxilində həyat tərzinə çevriləcək"-deyə, Mask əlavə edib.
Ağ Ev rəsmisi Reuters agentliyinə deyib ki, özünü Trampın “ilk dostu” kimi qələmə verən Mask tez və mərasimsiz gedəcək.
Məsələ ilə yaxından tanış olan mənbənin sözlərinə görə, Maskın getdiyini elan etməzdən əvvəl Trampla rəsmi görüşü olmayıb və onun gedişinə “yuxarı heyət səviyyəsində” qərar verildiyini əlavə edib.
Dünyanın ən varlı adamı olan Maska Tramp tərəfindən ABŞ hökumətində pul yığmaq tapşırılıb və 130 gündən sonra vəzifəsi ilə vidalaşıb. Həm Mask, həm də administrasiya, DOGE-nin federal hökuməti yenidən qurmaq və xilas etmək səylərinin davam edəcəyini söylədi.
Aytən Yaşar/ Turkustan.az
