Evdə təbii qaz sərfiyyatını azaltmaq üçün kombini dəyişməyə ehtiyac olmaya bilər.
25 illik kombi ustalarının tövsiyələrinə görə, cihazın temperatur və rejim parametrlərini düzgün tənzimləməklə, eləcə də müntəzəm texniki qulluqla xərcləri azaltmaq mümkündür. Mütəxəssislər parametrlərlə ayarlarla 15 faizə qədər qənaətin mümkün olduğunu bildirirlər.
Kombilərdə sistemə göndərilən suyun temperaturu əsas amillərdən biridir. Radiatorlu sistemlərdə temperatur adətən 45–70°C, döşəmə və divar isitmə sistemlərində isə 30–45°C arasında olur. Yoğuşmalı kombilər üçün başlanğıc olaraq 55–60°C tövsiyə edilir. Lakin evin izolyasiyası, radiatorların ölçüsü və hava şəraiti də nəzərə alınmalıdır.
İki funksiyalı kombilərdə isti suyun temperaturunu mövsümə uyğun dəyişmək də qənaətə kömək edə bilər. Qışda duş və kran suyu üçün təxminən 60°C, yayda isə 50–55°C kifayət hesab olunur. Bu dəyişikliklə sərfiyyatın 2–3 faiz azalacağı bildirilir.
Termostatın gecə və evdə heç kimin olmadığı vaxtlarda temperaturu 2°C aşağı salınması tövsiyə edilir. Evə qayıtmazdan və ya oyanmazdan təxminən bir saat əvvəl temperatur yenidən artırıla bilər.
Evin temperaturunu davamlı olaraq cəmi 1°C aşağı saxlamağın belə 5–10 faiz enerji qənaəti verə biləcəyi qeyd olunur.
Radiatorların havasının alınması, kombinin su təzyiqinin düzgün səviyyədə saxlanılması və illik texniki baxış da vacibdir. Məqalədə baxımsız kombilərin 10–15 faiz daha çox qaz sərf edə biləcəyi bildirilir./Musavat.com
