Son günlər əhali arasında hərarət, öskürək, boğazda ağrı, halsızlıq, eləcə də bədən və baş ağrısı kimi simptomlarla bağlı şikayətlər artıb.
Turkustan.az xəbər verir ki, Səhiyyə Nazirliyinin mütəxəssis-eksperti, infeksionist Təyyar Eyvazov açıqlamasında Azərbaycanda, həm də bir çox digər ölkələrdə COVID-19 infeksiyasının “Omikron” variantının bəzi altnövlərinin hələ də dövriyyədə olduğunu bildirib.
Bəzi vətəndaşlar bu əlamətləri özlərində müşahidə etdikdə, bunun koronavirus olub-olmadığını dəqiqləşdirmək üçün test vermək istəyirlər. Lakin harada və necə test verəcəklərini bilmirlər.
Məsələ ilə bağlı Bakıvaxtı.az-ın sorğusuna cavab olaraq Səhiyyə Nazirliyindən bildirilib ki, vətəndaşlar yaşadıqları ərazi üzrə poliklinikalara müraciət edərək COVID-19 testindən keçə bilərlər. /Bakıvaxtı.az/
