Ege Universiteti Tibb Bacılığı Fakültəsində, Təcili Tibbi Texniklər və Texniklər Dərnəyi (ATT-DER) və BZT Turan Akademiyası əməkdaşlığı ilə keçirilən beynəlxalq konqres çərçivəsində, Azərbaycan Respublikasının Millət vəkili cənab Dr. Naqif Həmzəyev və onu müşayiət edən nümayəndə heyəti qəbul olundu.
Ziyarət zamanı Ege Universitetinin rektor müavini Prof. Dr. Mehmet Ersan və Tibb Bacılığı Fakültəsinin dekanı Prof. Dr. Ayşegül Dönməz, qonaqları universitetdə səmimi şəkildə qarşılayaraq faydalı bir görüş keçirdilər. Görüşdə iki qardaş ölkə arasında səhiyyə, təhsil və elm sahələrində birgə layihələr, akademik əməkdaşlıqlar və gələcək planlar müzakirə olundu.
Görüşdə həmçinin BZT Turan Akademiyasının Türkiyə nümayəndəsi Dr. Baha Ahmet Yılmaz və ATT-DER başqanı Osman Kundakçı iştirak etdilər. Tərəflər Türkiyə ilə Azərbaycan arasında elmi və akademik həmrəyliyi daha da gücləndirəcək yeni təşəbbüslər barədə fikir mübadiləsi apardılar.
Ege Universitetinin ev sahibliyi ilə baş tutan bu mənalı görüş, iki qardaş ölkə arasında möhkəm elm və dostluq körpüsünün daha da bərqərar olmasına mühüm töhfə verdi.
