İsrail qüvvələrinin işğal altındakı İordan çayının qərb sahilinin bir çox şəhərində həyata keçirdiyi gecə basqınlarında yarısı Qəzza işçisi olmaqla 4 nəfər yaralanıb, 42 nəfər isə nəzarətə alınıb.
Turkustan.az xəbər verir ki, İsrail ordusu Qəzzaya hücumları ilə yanaşı İordan çayının qərb sahilində də reydlərini davam etdirir.
Fələstinin rəsmi agentliyi WAFA-nın verdiyi xəbərə görə, İsrail qüvvələrinin İordan çayının qərb sahilində gecə basqınlarının ünvanları Nablus, Hebron, Beytül-Müqəddəs və Tulkərim şəhərləri olub.
İsrail qüvvələri buldozerlərin müşayiəti ilə Nablusun köhnə şəhər ərazisinə basqın edib və Əl-Hile rayonunda bir evi mühasirəyə alıb. Basqın zamanı fələstinlilərə məxsus çoxlu avtomobil yandırılaraq yararsız hala düşüb. Basqın zamanı 4 fələstinli yaralanarkən, 2-si Qəzzalı işçi olmaqla 5 nəfər saxlanılıb.
Nablusdakı Qızıl Aypara Təcili Yardım və Təcili Yardım Mərkəzinin direktoru Əhməd Cibril 2 fələstinlinin ayağından real güllələrdən, digər 2 nəfərin isə qəlpələrdən yaralandığını qeyd edib.
Hebronun Terkumya və Ez-Zahiriyye qəsəbələrində 13 fələstinli, Tulkerimin cənubundakı Firon qəsəbəsində isə 19 Qəzzalı işçi nəzarətə alındı.
İsrail qüvvələrinin Beytlehemdəki Əl-İzza və Ayide qaçqın düşərgələrinə təşkil etdiyi reydlər zamanı 3-ü Qəzzadan gələn işçi olmaqla 5 nəfər saxlanılıb.
Fələstin Əsirlər Dərnəyinin son məlumatlarına görə, oktyabrın 7-dən bəri işğal altındakı İordan çayının qərb sahili və Şərqi Qüdsdə İsrail tərəfindən nəzarətə alınan fələstinlilərin sayı 3640-ı keçib.
Eltac/Turkustan.az
