ABŞ prezidenti Donald Tramp 2009-cu ildə Fort Hud hərbi bazasında 13 nəfəri öldürən, 32 nəfəri isə yaralayan keçmiş ABŞ ordusu əsgəri Nidal Malik Həsənin edamının canlı yayımlanmayacağını bildirib.
Turkustan.az xəbər verir ki, Tramp qərarı özünün sosial media platformasında açıqlayıb. O, Həsənin güllələnmə qrupu tərəfindən edam edilməsinin planlaşdırıldığı kimi davam edəcəyini və qurbanların ailələrinin prosesi şəxsən izləyə biləcəyini qeyd edib.
Tramp Həsəni “xain”, “çox pis və şər adam” adlandırıb. O, keçmiş prezident Barak Obamanın administrasiyası dövründə Federal Təhqiqatlar Bürosunun (FTB) Həsənlə radikal yəmənli amerikalı ruhani Ənvər əl-Əvlaki arasında əlaqələr aşkar etdiyini iddia edib.
Trampın sözlərinə görə, FTB-nin terrorizmlə mübarizə bölməsi həmin əlaqələri araşdırarkən müstəntiqlər Həsənin elektron poçt yazışmalarının təhlükə yaratmadığı qənaətinə gəliblər. O bildirib ki, Obamanın administrasiyası dövründə verilən bu qiymətləndirmə sonradan ciddi kəşfiyyat uğursuzluğu kimi dəyərləndirilib.
Aytən Yaşar/Turkustan.az
