ABŞ Prezidenti Donald Trampın İranla müharibənin başa çatdığını elan etməyi düşündüyü bildirilir.
Turkustan.az xəbər verir ki, “The Wall Street Journal”ın (WSJ) yüksək vəzifəli ABŞ rəsmilərinə istinadən yaydığı məlumata görə, Tramp İran müharibəsinin başa çatıb-çatmadığını yüksək səviyyəli müşavirləri ilə müzakirə edib.
ABŞ rəsmilərinin sözlərinə görə, Tramp müharibənin başa çatdığını elan etmək fikrini dəstəkləyir. O, Vaşinqtonun tətbiq etdiyi güclü iqtisadi təzyiqin Tehranın nüvə proqramını dayandırmasına və ya İran iqtisadiyyatının çökməsinə səbəb ola biləcəyinə inanır.
Bununla belə, hesabatda qeyd olunur ki, Pentaqon bölgədəki ABŞ hərbi qüvvələrinin yerləşdirilmə müddətini uzadıb. Bu isə münaqişənin gələn ilə qədər davam edə biləcəyi ehtimalını gündəmdə saxlayır.
Qeyd edək ki, avqustun 24-də ABŞ Maliyyə naziri Skott Bessent İranın iqtisadiyyatını ayaqda saxlayan əlaqələri kəsməyə yönəlmiş “iqtisadi təcrid əməliyyatı”na başladıqlarını açıqlayıb. O, İranla iqtisadi əlaqələrini davam etdirən ölkələrin də ikinci dərəcəli sanksiyalarla üzləşə biləcəyi barədə xəbərdarlıq edib.
Aytən Yaşar/ Turkustan.az
