ABŞ Silahlı Qüvvələrinin Birləşmiş Qərargah Rəisləri Komitəsinin sədri, general Con Keyn bildirib ki, Ukraynaya məxsus F-16 qırıcı təyyarəsi ilk dəfə hava döyüşündə Rusiya qırıcı təyyarəsini vuraraq məhv edib.
Turkustan.az xəbər verir ki, general bu barədə iyulun 21-də ABŞ Senatının Təxsisatlar Komitəsində keçirilən dinləmələr zamanı danışıb.
"Bu yaxınlarda Ukraynanın F-16 təyyarəsi hava döyüşündə Rusiya qırıcı təyyarəsini məhv etdi. Hesab edirəm ki, tərəfdaşların dəstəyi ilə Ukrayna son illərdə eşelonlaşdırılmış hava hücumundan müdafiə sistemini əhəmiyyətli dərəcədə gücləndirib", – deyə Keyn bildirib.
General həmçinin Ukraynanın müdafiə sənayesinin fəaliyyətini yüksək qiymətləndirib.
"Ukraynalılar öz imkanlarını davamlı şəkildə genişləndirirlər. Bu, həm yerdən-havaya müdafiə sistemlərini, həm də hava-hava döyüş imkanlarını əhatə edir", – deyə, o vurğulayıb.
Aytən Yaşar/ Turkustan.az
