ABŞ-dən İrana qarşı sərt mesaj gəlib.
Turkustan.az xəbər verir ki, ABŞ müdafiə naziri Pit Heqset İrana qarşı mümkün hərbi ssenarilərlə bağlı diqqətçəkən açıqlama verib.
Nazir bildirib ki, ABŞ ordusu istənilən ehtimala qarşı tam hazır vəziyyətdədir. Onun sözlərinə görə, xüsusilə paraşütlü desant qüvvələri (hava-desant birlikləri) operativ şəkildə hərəkətə keçə biləcək səviyyədə hazırlıq vəziyyətinə gətirilib.
Heqset vurğulayıb ki, ABŞ İrana qarşı bütün variantları nəzərdən keçirir və hərbi hazırlıq yüksək səviyyədə saxlanılır.
Onun sözlərinə görə, regionda artan gərginlik fonunda ABŞ ordusu həm quruda, həm də havada operativ müdaxilə imkanlarını gücləndirib.
Son dövrlər Yaxın Şərqdə, xüsusilə İranla bağlı vəziyyətin gərginləşməsi Vaşinqtonun hərbi ritorikasını sərtləşdirib.
Ekspertlər hesab edir ki, bu cür açıqlamalar bölgədə gərginliyin daha da artmasına səbəb ola bilər və yeni risklər yaradır./“Yeni Sabah”
