İsrailli analitiklər bildiriblər ki, İsrail-ABŞ arasında İrana qarşı müharibə Baş nazir Benyamin Netanyahu hökumətinin qarşıya qoyduğu heç bir məqsədə çata bilməyib və indiyə qədər yeganə qalib İrandır.
Turkustan.az xəbər verir ki, martın 19-da Netanyahu müharibənin məqsədlərini İranın nüvə və ballistik raket proqramlarının məhv edilməsi və rejimin devrilməsi kimi bəyan etdi.
ABŞ və İran fevralın 28-də başlayan və İranda minlərlə insanın ölümünə və yaralanmasına səbəb olan müharibəyə son qoymaq məqsədilə danışıqlara yol açmaq üçün bu səhər iki həftəlik atəşkəs elan etdilər.
İsrailin "Maariv" qəzetinin hərbi analitiki Avi Aşkenazi bildirib ki, "Razılaşma müvəqqəti olsa da, bu həftə sonu danışıqlar başlamazdan əvvəl yalnız İran və müttəfiqləri meydanda faydalanıb".
Aşkenazi bildirib ki, "Görünür, İsrail və ABŞ müharibəni böyük fərqlə uduzublar. Bunun bədəlini qarşıdakı illərdə ödəyəcəklər. İran Körfəzdə nüfuzlu regional güc kimi mövqeyini möhkəmləndirir".
Aytən Yaşar/ Turkustan.az
