Dağıstan Respublikasının paytaxtı Mahaçqalada leysan yağışların səbəb olduğu güclü daşqın zamanı çoxmərtəbəli yaşayış binası uçub.
Rəsmilərin bildirdiyinə görə, qalxan su binanın altındakı torpağı yuyub apardığı üçün bina sürüşərək yaxınlıqdakı çaya düşüb. Məlumata əsasən, bütün sakinlər vaxtında təxliyə edilib və hadisə nəticəsində ölən və ya xəsarət alan olmayıb.
Güclü yağışlar mart ayının sonlarından etibarən Dağıstanda davam edir və bölgə üzrə genişmiqyaslı daşqınlara səbəb olub.
Dərbənd rayonunda daşan sular Gədcux su anbarındakı bəndi yararaq yaxınlıqdakı bir neçə yaşayış məntəqəsinə axıb. Su evləri basıb və ciddi dağıntılara səbəb olub. Yerli bir ailəni aparan avtomobil magistral yoldan sel sularına düşərək təxminən 2,5 kilometr məsafəyə qədər aparılıb. Bir nənə və onun nəvəsi xilas ola bilməyərək həyatını itirib.
Yerli hakimiyyət orqanlarının məlumatına görə, 4 nəfər həyatını itirib, 10 nəfər isə itkin düşüb və xilasedici qruplar axtarış əməliyyatlarını davam etdirirlər.
Turkustan.az "Kanal13TV"-yə istinadən Dağıstanda güclü seldən sonra yaranmış vəziyyəti göstərən videoreportajı təqdim edir:
