Super Kubok zamanı yayımlanan bir reklam çarxı izləyicilərin diqqətini cəlb edərək sosial mediada geniş müzakirələrə səbəb olub.
Turkustan.az xəbər verir ki, reklamda yer alan kişinin cinayətkar Ceffri Epşteynə vizual oxşarlığı ictimaiyyət arasında böyük rezonans doğurub. Bir çox istifadəçi bu bənzərliyin təsadüfi olmadığını, qəsdən edilmiş bir istinad ola biləcəyini iddia edib. Sosial şəbəkələrdə paylaşılan görüntülər reklamın adi bir məhsul tanıtımından kənara çıxaraq Epşteyn qalmaqalı ilə əlaqələndirilməsinə səbəb olub.
Müzakirələr Epşteyn sənədləri ətrafında davam edən geniş ictimai debat fonunda baş verir. ABŞ-da bu həftə yayımlanan milyonlarla səhifəlik sənədlər və zərərçəkənlərin ədalət tələbləri media gündəmində ön plandadır. Xarici mənbələrin məlumatına görə, bəzi qruplar Super Kubok zamanı yayımlanan təsirli reklamların ictimai diqqəti bu məsələyə yönəltmək məqsədi daşıdığını bildirirlər.
Xarici media orqanları reklamın viral yayılmasının Epşteyn işi ilə bağlı cəmiyyətin həssaslığını bir daha ortaya qoyduğunu vurğulayır. Sosial mediada artan müzakirələr qalmaqalın hələ də geniş rezonans doğurduğunu göstərir.
Aytən Yaşar/ Turkustan.az
