ABŞ prezidenti Donald Tramp Qrenlandiyanın nəzarətini təhvil verməkdə əməkdaşlıq etməyən ölkələrə tarif tətbiq edə biləcəyini bildirib.
Turkustan.az xəbər verir ki, Ağ Evdə "Kənd Səhiyyə Xidmətləri" mövzusunda keçirilən dəyirmi masa müzakirəsi zamanı Tramp Qrenlandiya ilə bağlı xarici siyasət məsələlərinə toxunub.
ABŞ prezidenti dedi: "Qrenlandiya ilə bağlı bizimlə razılaşmayan ölkələrə tariflər tətbiq edə bilərəm".
Bəzi Avropa ölkələrində dərman qiymətlərini müqayisə edən Tramp ABŞ-ın Fransaya tətbiq edə biləcəyi vergini ətraflı şəkildə izah edərkən, "Mən bunu Qrenlandiya üçün də edə bilərəm" dedi.
Tramp, ABŞ-ın Qrenlandiya ilə bağlı maraqları ilə ziddiyyət təşkil edən ölkələri razı salmaq üçün tariflərdən istifadə edə biləcəyinə işarə edərək əlavə etdi: "Çünki milli təhlükəsizlik üçün Qrenlandiyaya ehtiyacımız var".
Aytən Yaşar/ Turkustan.az
