Avropa Birliyinin (AB) Xarici İşlər və Təhlükəsizlik Siyasəti üzrə Ali Nümayəndəsi Kaja Kallas bildirib ki, "Qrenlandiya ilə bağlı verilən açıqlamalar son dərəcə narahatedicidir".
Turkustan.az xəbər verir ki, Kallas Misir xarici işlər naziri Bədr Əbdül Fəttahla birgə mətbuat konfransında çıxış edib.
ABŞ-ın Venesuelaya hərbi müdaxiləsinə AB-nin "yumşaq" reaksiyası ilə bağlı suala cavab olaraq Kallas xatırladıb ki, AB və onun 26 üzv dövləti bu məsələ ilə bağlı çox tez bir zamanda yazılı bəyanatlar veriblər.
Kallas beynəlxalq hüquqa hörmətin vacib olduğunu və bu çərçivədə zorakılıqdan istifadə hüququnun yalnız özünümüdafiə və ya Birləşmiş Millətlər Təşkilatının Təhlükəsizlik Şurasının qətnaməsi ilə icazə verildiyini qeyd etdi.
Kallas qeyd edib ki, Aİ-nin ölkələrin ərazi bütövlüyünə və suverenliyinə hörmətlə yanaşmaqla bağlı mövqeyi aydındır və bu məsələni amerikalı həmkarları ilə müzakirə etdiklərini bildirib.
Aytən Yaşar/ Turkustan.az
