Vatikanın prezidenti Papa XIV Leo Livana səfəri çərçivəsində paytaxt Beyrutda müsəlman və xristian icmalarının liderləri ilə görüşüb və sülh və birgəyaşayışın vacibliyini vurğulayıb.
Turkustan.az xəbər verir ki, Roma Papası XIV Leo Livana səfərinin ikinci günü Beyrutun mərkəzində qurulan platformada ölkədəki müxtəlif dini qrupların nümayəndələri ilə görüşüb.
Proqram İncildən parçalar və Qurani-Kərimdən ayələrin oxunması ilə başlayıb.
Livan müftisi Şeyx Əbdüllətif Deryan proqramdakı çıxışında Papanın səfərindən məmnunluğunu ifadə edərək, Livanın “sülh və mesaj ölkəsi” olaraq dünyada inam və sülhün yayılmasına töhfə verdiyini vurğulayıb.
Deryan Livanın müxtəlif dini icmalara hörmət prinsipi üzərində qurulduğunu, Konstitusiyanın bütün məzhəblərə ibadət azadlığı verdiyini qeyd edib.
Livan Şiə Ali İslam Şurasının vitse-prezidenti Əli Hatib, "onların silah daşımağı hədəfləmədiklərini" bildirərək, dünyadan Livana dəstək vermələrini istəyib.
Druz icmasının lideri Sami Əbi əl-Muna da bölgəni əhatə edən qaranlıq mənzərəyə baxmayaraq müsəlmanların və xristianların bir yerdə dayanmasının “ümid verə biləcəyini” vurğuladı.
Aytən Yaşar/ Turkustan.az
