Kembric Universitetinin tədqiqatçıları tərəfindən aparılan bir araşdırmada, doğuşdan 90 yaşa qədər təxminən 4000 insanın beyin skanları araşdırıldı.
Turkustan.az xəbər verir ki,bu araşdırma beynin sinir əlaqələrinin həyat boyu necə dəyişdiyini göstərdi.
Araşdırmalara görə, beyin inkişafı dörd kritik mərhələ ilə ayrılan beş geniş dövrdə baş verir: 9, 32, 66 və 83 yaş. Beynin ilkin inkişaf dövrü doğumdan 9 yaşa qədər davam edir. Bu dövrdə körpənin beynindəki neyronlar arasındakı əlaqələrin əksəriyyəti azalır, daha aktiv olanlar isə qalır.
9-32 yaş arası beynin ünsiyyət şəbəkələrinin ən səmərəli olduğu "yetkinlik dövrü" olaraq təyin olunur. 32 yaşdan sonra beyin strukturu əvvəlki dövrlərlə müqayisədə daha sabit bir quruluşa keçir.
66 yaşından başlayan dövr "erkən yaşlanma", 83 yaşından başlayan dövr isə "gec qocalma" olaraq təyin olundu. Bu iki qırılma nöqtəsi yaşla bağlı sağlamlıq problemləri və ağ maddə strukturunun və beyindəki əlaqənin pisləşməsi ilə əlaqələndirildi.
Tədqiqatın aparıcı müəllifi Alexa Mousley, "Bu, 20 yaşının sonlarında insanların özlərini yeniyetmələr kimi aparması demək deyil" dedi. Araşdırmanın nəticələri Nature Communications jurnalında dərc olunub.
Aytən Yaşar/ Turkustan.az
