SON DƏQİQƏ: Putin nüvə sınaqlarına hazırlıq barədə göstəriş verdi

Putin nüvə sınaqları üçün hazırlıq tapşırığı verdi.

Turkustan.az xəbər verir ki, Rusiya Prezidenti Vladimir Putin Təhlükəsizlik Şurasının üzvlərinə nüvə sınaqları ilə bağlı lazımı hazırlıqların görülməsi barədə göstəriş verib.

Kremlin yaydığı məlumata görə, Putin Təhlükəsizlik Şurasının üzvləri ilə görüş keçirib. Toplantıda müdafiə naziri Andrey Belousov, Baş Qərargah rəisi Valeri Gerasimov, Xarici Kəşfiyyat Xidmətinin (SVR) rəhbəri Sergey Narışkin, Təhlükəsizlik Şurasının katibi Sergey Şoyqu və Federal Təhlükəsizlik Xidmətinin (FTX) direktoru Aleksandr Bortnikov da iştirak ediblər.

Görüşün əvvəlində ABŞ-ın nüvə sınaqlarını bərpa etmək planları müzakirə olunub.

Putin çıxışında bildirib ki, Rusiya Əhatəli Nüvə Sınaqlarının Qadağası Müqaviləsinə (CTBT) sadiq qalır və bu müqavilədən çıxmaq niyyətində deyil. Bununla belə, o, xəbərdarlıq edib ki, əgər ABŞ və ya digər imzalayan ölkələr nüvə sınaqlarına başlayarsa, Moskva buna cavab verməyə məcbur olacaq.

Aytən Yaşar/ Turkustan.az