ABŞ və İran uranın zənginləşdirilməsi səviyyəsinin 3,67 faizlə məhdudlaşdırılmasını nəzərdə tutan ilkin razılaşma əldə edə bilər.
Turkustan.az xəbər verir ki, bu barədə “Al Arabiya” telekanalı mənbələrə istinadən məlumat yayıb.
Bildirilir ki, ABŞ İran ərazisində uranın 3,67 faizədək zənginləşdirilməsinə razılıq verib. Tehran da bu şərti qəbul edib.
Bununla yanaşı, Vaşinqton İranın 60 faizə qədər zənginləşdirilmiş uran ehtiyatlarının zənginləşdirilmə səviyyəsinin aşağı salınmasını tələb edir. Bu məsələnin həlli üçün üçüncü ölkənin prosesə cəlb olunması variantı nəzərdən keçirilir.
Mənbələrin məlumatına əsasən, Tehranla razılıq əldə olunacağı təqdirdə ABŞ 6-9 milyard dollar həcmində dondurulmuş İran aktivlərini blokdan çıxara bilər./publika.az
