“Ermənistanda demək olar ki, hər iki gündən bir qətl hadisəsi baş verir: cütlüklər, küçədə, tarlada, kilsədə - ən inanılmaz üsullarla və istənilən yerdə. Haradadır Daxili İşlər Nazirliyi, İstintaq Komitəsi, prokurorluq və onların rəhbərləri?”
Turkustan.az xəbər verir ki, bunu Ermənistanın müxalifətdə olan “Şərəfim var” fraksiyasının deputatı Tiqran Abramyan “Facebook” səhifəsində yazıb.
Abramyanın iddiasına görə, hüquq-mühafizə orqanlarında aparılan kadr dəyişikliklərinə baxmayaraq, rəhbər şəxslər əsasən rəsmi tədbirlərdə - lentkəsmə mərasimlərində, medal təqdimatlarında və yeni zabitlərin qəbulunda iştirak etməklə kifayətlənirlər. /Musavat.com/
