“Çin Şanxay Əməkdaşlıq Təşkilatına (ŞƏT) üzv olan digər dövlətlərlə birlikdə təzyiq və bloklararası qarşıdurma siyasətinə qarşıdır, azad ticarətin təşviqinin tərəfdarıdır”.
Turkustan.az xəbər verir ki, bunu Çin Sədri Si Cinpin ŞƏT-in ölkəsində keçirilən sammitində deyib.
“Biz ədaləti müdafiə edirik, İkinci Dünya müharibəsi tarixinin düzgün başa düşülməsini təşviq edirik, Soyuq müharibə təfəkkürünə, bloklararası qarşıdurmaya və hədə-qorxu praktikasına qarşıyıq, beynəlxalq sistemi BMT-nin özü ilə müdafiə edirik və Ümumdünya Ticarət Təşkilatının rəhbərlik etdiyi çoxtərəfli ticarət sistemini dəstəkləyirik”, - o vurğulayıb.
Si Cinpin qeyd edib ki, Pekin təşkilatın digər üzvləri ilə birlikdə dünyanın bərabər və nizamlı beynəlmiləlləşməsini, o cümlədən iqtisadi qloballaşmanın tərəfdarıdır. O əlavə edib ki, ŞƏT daha ədalətli və bərabər qlobal idarəetmə sisteminin formalaşmasına töhfə verir.
Xatırladaq ki, avqustun 31-dən sentyabrın 1-dək Tyancin şəhərində keçirilən ŞƏT sammitində 20-dən çox dövlətin rəhbərləri, o cümlədən Azərbaycan Prezidenti İlham Əliyev və 10 beynəlxalq təşkilatın nümayəndələri iştirak edib./teleqraf
