Xarici İşlər Naziri Hakan Fidan Suriya, Qəzza və digər regional məsələlərlə bağlı TGRT Xəbər-ə verdiyi müsahibədə bir sıra mühüm açıqlamalar verib.
Turkustan.az xəbər verir ki, o, İsrailin Baş naziri Binyamin Netanyahunun 1915-ci il hadisələri ilə bağlı verdiyi bəyanata da münasibət bildirib. O qeyd edib:
“Bir reallıq var ki, artıq bütün dünya bu məsələni bizim hisslərimizə və ya ideoloji yanaşmalarımıza görə deyil, tarixi faktlara əsaslanaraq qiymətləndirir. Netanyahunun əsl məqsədi isə Fransanın öz soyqırımını ört-basdır etməsinə xidmət etməkdir. Eyni yanaşmanı Avstraliyaya və digər ölkələrə qarşı da tətbiq edir. O, hər bir ölkəyə uyğun təzyiq mexanizmi qurmağa çalışır.”
Nazir qlobal yəhudi icması daxilində parçalanma yaşandığını vurğulayaraq bildirib ki, vicdanlı yəhudilər İsrailin Qəzzadakı fəaliyyətlərini soyqırımı kimi qiymətləndirir və bu hərəkətlərdən açıq şəkildə imtina edirlər.
Fidanın sözlərinə görə:
“Netanyahu və ətrafındakıların irəli sürdüyü bu tarixi çılğınlıq, onların 60-70 il əvvəl qınadıqları bir dəliliyin – Hitler dəliliyinin – təkrarından başqa bir şey deyil.”
Aytən Yaşar/ Turkustan.az
