“Biz Trampla görüşə hazırıq. Lakin buna hazırlaşmaq lazımdır”.
Turkustan.az xəbər verir ki, bunu Rusiya Prezidenti Vladimir Putin Minskdə keçirilən Avrasiya İqtisadi İttifaqı (Aİİ) sammitinin yekunlarına dair çıxışında deyib.
O qeyd edib ki, D.Trampa böyük hörmətlə yanaşır və onun Ukraynadakı münaqişənin həlli istiqamətində göstərdiyi səylərin səmimiliyinə inanır.
Rusiya lideri həmçinin əlavə edib ki, Moskva ilə Vaşinqton arasında iqtisadi əməkdaşlıq sahəsində yaxşı perspektivlər mövcuddur. Onun sözlərinə görə, Amerika biznes dairələri Rusiyaya qayıtmaq istəyini açıq şəkildə göstərir.
