İsrailin İrana hücumu ilə başlayan və dünən mürəkkəb atəşkəslə başa çatan münaqişə ABŞ-ın İranın nüvə obyektlərinə zərbə endirməsindən sonra da səslənməkdə davam edir.
Turkustan.az xəbər verir ki, ABŞ dövlət katibi Marko Rubio Politico-ya deyib ki, ABŞ İranın üç əsas nüvə obyektini vurduqdan sonra İran "nüvə silahından çox uzaqdır".
"Əsas nəticə ondan ibarətdir ki, onlar bu gün nüvə silahından prezidentin bu cəsarətli addımı atmasından əvvəl olduğundan xeyli uzaqlaşıblar. Bir sıra müxtəlif komponentlərə əhəmiyyətli, əhəmiyyətli, böyük ziyan dəyib və biz bu barədə yenicə öyrənirik", - Rubio bildirib.
İran parlamenti BMT-nin Nüvə Təftişi Agentliyi ilə əməkdaşlığın dayandırılmasına dair qanun layihəsini təsdiqləyib və ölkənin Ali Milli Təhlükəsizlik Şurasının bu addıma yekun təsdiq verəcəyi gözlənilir.
Aytən Yaşar/ Turkustan.az
