Beynəlxalq bazarlarda Brent markalı neftin bir barreli 71,59 dollara satılır.
Turkustan.az xəbər verir ki, cümə günü 73,36 dollara qədər bahalaşaraq günü 71,37 dollarla başa vuran Brent markalı neftin bir barel qiyməti 09,42-də bağlanış vaxtı ilə müqayisədə 0,3 faiz artaraq 71,59 dollara çatıb. Eyni zamanda, West Texas Intermediate (WTI) markalı xam neftin bir barreli 67,86 dollara satılıb.
ABŞ Federal Ehtiyatlar Sisteminin (FED) ilin sonuna kimi atacağı addımlarla bağlı qeyri-müəyyənlik neft qiymətlərinə təsirini davam etdirir.
FED İdarə Heyətinin üzvü Kristofer Uoller cümə günü bildirib ki, faiz dərəcəsini azaltmağın vaxtı çatıb və daha böyük faiz endirimlərinə açıqdır.
Faiz endirimlərinin sürətinin müəyyən edilməsinin və siyasət faizində ümumi azalmanın gələcəkdə veriləcək qərarlar olduğuna diqqət çəkən Waller, növbəti iclasda faiz endirimi prosesinin başlamasının vacib olduğunu ifadə etdi. Waller həmçinin qeyd edib ki, əgər məlumatlar daha böyük faiz dərəcələrinin azaldılmasına ehtiyac olduğunu göstərsə, o, bunu dəstəkləyəcək.
ABŞ-da tənəzzül narahatlıqları artır
FED-in bu ay faiz dərəcələrini 25 baza bəndi azaldacağı ilə bağlı proqnozlar qüvvətli olsa da, ilin sonuna qədər 100 baz bəndlik endirilməsi qəti olaraq qəbul edilir. Ölkədə faiz dərəcələrinin aşağı salınmasının ABŞ dollarının digər valyutalar qarşısında dəyər itirməsinə, beləliklə də neftə tələbatın artmasına səbəb olacağı proqnozlaşdırılır.
Bundan əlavə, Yaxın Şərqdə davam edən münaqişələrin qlobal neft tədarükünü pozacağına dair narahatlıqlar qiymətlərin yüksələn hərəkətini dəstəkləyir.
Yəməndə İranın dəstəklədiyi husilər ölkənin mərkəzi hissəsindəki Marib əyalətində ABŞ ordusuna məxsus MQ-9 tipli silahlı pilotsuz uçuş aparatını (PUA) vurduqlarını açıqlayıb.
Husilərin Hərbi Sözçüsü Yəhya Seri verdiyi yazılı açıqlamada vurduqları MQ-9 tipli İHA sayının 8-ə yüksəldiyini bildirib.
Digər tərəfdən, ABŞ-da açıqlanan məlumatların dünyanın ən böyük neft istehlakçı ölkəsində tənəzzüllə bağlı narahatlıqları artırması, bazar oyunçularının tələb iştahını azaldır və neftin qiymətinin qalxmasını məhdudlaşdırır.
Cümə günü açıqlanan məlumatlara görə, ABŞ-da kənd təsərrüfatı xaricində məşğulluq avqust ayında gözləntilərin altında 142 min adam artarkən, işsizlik nisbəti isə yüzdə 4,3-dən yüzdə 4,2-yə geriləyib.
Analitiklər, keçən ay işsizlik nisbətindəki gözlənilməz artımın tənəzzül qorxularını tətiklədiyini və risk iştahını azaltdığını xatırladaraq, bu ayın gözləntilərin altında olan məşğulluq məlumatlarının ABŞ iqtisadiyyatında durğunluqla bağlı narahatlıqları qidalandırdığını ifadə etdi.
İnflyasiya məlumatlarının bu həftə açıqlanacağına diqqət çəkən analitiklər, bu məlumatların 17-18 sentyabr tarixlərində Federal Açıq Bazar Komitəsinin (FOMC) keçiriləcək iclasında gözlənilən faiz endiriminin ölçüsü ilə bağlı daha çox məlumat verə biləcəyini bildiriblər.
Bildirilir ki, texniki baxımdan Brent nefti üçün 71,79-71,90 dollar aralığına müqavimət, 70,50-70,32 dollar aralığına isə dəstək zonası kimi baxmaq olar.
Eltac Zülfüqaroğlu/Turkustan.az
