Azərbaycan Prezidentinin köməkçisi Hikmət Hacıyev ölkə ərazisindəki xristian irsinin qorunmasının Azərbaycanın öhdəliyi olduğunu bildirib.
Turkustan.az xəbər verir ki, bunu Hikmət Hacıyev Dubayda keçirilən Ərəb Media Sammitində "Euronews"un forum panelində deyib.
O bildirib ki, Azərbaycan İslam sivilizasiyasının bir hissəsi olsa da, ölkədə islam, xristianlıq və yəhudilik dinlərinə məxsus məscid, kilsə və sinaqoqlar mövcuddur:
"Azərbaycanın suveren ərazisində xristian irsini, onun kimə məxsus olmasından asılı olmayaraq qorumağa sadiqik. Çünki bu, bizim mədəni irsimizdir".
Prezidentin köməkçisi Azərbaycanın tarixən müxtəlif dinlərin birgə yaşadığı məkan olduğunu vurğulayıb.
