İran Xarici İşlər Nazirliyi Almaniyanın Tehrandakı səfiri Aksel Vilhelm Dittmannı çağıraraq, Almaniya rəsmilərinin İranla bağlı açıqlamalarına etiraz edib.
Turkustan.az xəbər verir ki, İran Xarici İşlər Nazirliyinin yaydığı yazılı açıqlamada Dittmannın nazirliyə çağırıldığı bildirilib.
Bəyanatda Almaniyanın yüksək vəzifəli rəsmilərinin İrana qarşı “uyğunsuz münasibət” nümayiş etdirdiyi, həmçinin Almaniyanın Tehrandakı səfirliyinin “bəzi müdaxilə xarakterli hərəkətlərə” yol verdiyi qeyd olunub.
İran Xarici İşlər Nazirliyinin Qərbi Avropa üzrə baş direktoru və nazir müavini Əli Rza Yusifi Almaniya kanslerinin İranla bağlı “əsassız iddialarını” rədd edib. O, Almaniyanın regional və İran məsələlərinə yanaşmasını “ədalətsiz və dağıdıcı” adlandıraraq, Tehran hökumətinin buna qarşı “sərt etirazını” Almaniya səfirinə çatdırıb.
Aytən Yaşar/ Turkustan.az
