Ukrayna Prezidenti Volodimir Zelenski Rusiyanın qarşıdakı dövrdə bir sıra Avropa ölkələri, İsrail və ABŞ-da keçiriləcək seçkilərə müdaxilə etməyə çalışacağını iddia edib.
Turkustan.az xəbər verir ki, Zelenski bu fikirləri Ukrayna səfirləri ilə keçirilən görüşdə çıxışı zamanı səsləndirib.
Prezident bildirib ki, Ukraynanın tərəfdaş ölkələri üçün mühüm seçki dövrü başlayır və bu proseslər beynəlxalq siyasi mənzərəni dəyişə bilər.
"Sentyabr ayından Almaniyada, daha sonra İsraildə və ABŞ-da, gələn il isə Fransada, Baltikyanı ölkələrdə və dünyanın digər dövlətlərində seçkilər keçiriləcək. Rusiya hibrid təsir, maliyyə alətləri və qeyri-sabitlik yaratmaq yolu ilə bu seçkilərə müdaxilə etmək fürsətini heç vaxt əldən vermir. Biz bu təhdidlərin fərqindəyik", – deyə, Zelenski bildirib.
Aytən Yaşar/ Turkustan.az
