İsrailin ifrat sağçı milli təhlükəsizlik naziri İtamar Ben-Qvir ABŞ Prezidenti Donald Trampı İran siyasətinə görə sərt tənqid edərək, onu "son dərəcə sadəlövh" adlandırıb.
Turkustan.az xəbər verir ki, Ben-Qvir bu fikirləri "Yedioth Ahronot" qəzeti və İsrail Milli Təhlükəsizlik Araşdırmaları İnstitutunun (INSS) birgə təşkil etdiyi Milli Təhlükəsizlik Konfransında çıxışı zamanı səsləndirib.
Yəhudi Gücü Partiyasının lideri olan Ben-Qvir bildirib ki, İrana qarşı daha sərt addımlar atılmalıdır.
"Ümid edirəm ki, Prezident Donald Trampı bu sadəlövhlükdən daşındırmaq mümkün olacaq. O, iş adamıdır və İran məsələsində son dərəcə sadəlövhdür", – deyə, Ben-Qvir bildirib.
İsrailli nazir həmçinin İrana qarşı hərbi əməliyyatların genişləndirilməsinə çağıraraq deyib:
"Onlarla diplomatiyaya yer yoxdur, danışacaq heç nə yoxdur. İrana qarşı güc tətbiq edilməlidir".
Aytən Yaşar/ Turkustan.az
