Ukraynanın 2028-ci ildə Avropa İttifaqına (Aİ) üzv olmaq planı özünü doğrultmayıb.
Turkustan.az xəbər verir ki, bu barədə Almaniyanın "Junge Welt" nəşri yazıb.
Məlumata görə, Brüsseldə keçirilən Aİ-nin genişlənməsi ilə bağlı konfransda Ukrayna nümayəndə heyəti üzvlüklə bağlı konkret vaxt vədi ala bilməyib.
Nəşr yazıb ki, konfransda yalnız Monteneqro üzvlük perspektivi ilə bağlı müsbət mesajlar alıb. Ukrayna, Albaniya və Moldova isə danışıqların nə vaxt başa çatacağına dair dəqiq istiqamət olmadan görüşü tərk ediblər.
Məlumata görə, Ukrayna prezidenti Vladimir Zelenskinin ölkəsinin 2028-ci ildə Aİ-yə üzv olacağı ilə bağlı hədəfi Avropa diplomatları tərəfindən real hesab edilmir. Onların qiymətləndirməsinə əsasən, Ukraynanın Aİ-yə qoşulması ən tez 2035-ci ildə mümkün ola bilər./publika.az
