Böyük Britaniya Dəniz Ticarət Təşkilatı (UKMTO) ABŞ və İran arasında anlaşma memorandumundan bəri Hörmüz boğazı yaxınlığında bir gəmiyə ilk hücumun baş verdiyini bildirib.
Turkustan.az xəbər verir ki, UKMTO mətbuat açıqlamasında Oman sahillərində üzən yük gəmisinin mənşəyi məlum olmayan mərmi ilə vurulduğunu bildirib.
Bəyanatda yük gəmisinin körpü hissəsinə ziyan dəydiyi bildirilib, lakin hücuma məruz qalan gəmidə heç bir itki və ya xəsarət alan olmadığı əlavə edilib.
Bəyanatda gəminin Oman sahillərindən keçərkən hücuma məruz qaldığı barədə məlumatın alındığı bildirilib, lakin gəmidə ətraf mühitin çirklənməsinə səbəb ola biləcək heç bir şeyin olmadığı qeyd edilib.
Bəyanatda qeyd olunur ki, müvafiq orqanlar hadisə ilə bağlı araşdırma başlatmış və ərazidən keçən gəmilərə ehtiyatlı olmaları və hər hansı şübhəli fəaliyyət barədə Böyük Britaniya Dəniz Ticarət Əməliyyatları Mərkəzinə məlumat vermələri barədə xəbərdarlıq etmişlər.
Aytən Yaşar/ Turkustan.az
