Ankara Regional Apelyasiya Məhkəməsinin 36-cı Mülki İşlər Palatasının 21 may axşamı UYAP sisteminə yüklənən qərarı ilə 4–5 noyabr 2023-cü il tarixlərində keçirilən CHP-nin 38-ci Adi Qurultayı etibarsız elan edilib.
Turkustan.az xəbər verir ki, qərara əsasən Özgür Özəl və partiya rəhbərliyinin səlahiyyətlərinin dayandırıldığı, Kamal Kılıçdaroğlunun isə CHP sədri vəzifəsinə bərpa edildiyi bildirilir.
Qərarın elanından sonra Özgür Özəlin qərarı qəbul etmədiyi və CHP qərargahında proseslərə müqavimət göstərdiyi iddia olunub. Ardınca Ankara Valiliyinə edilən müraciətdən sonra polis qüvvələrinin qərargaha müdaxilə etdiyi, gözyaşardıcı qaz və rezin güllələrdən istifadə olunduğu barədə məlumatlar yayılıb.
Hadisələr nəticəsində partiya binasında zərər yarandığı, Özgür Özəlin daha sonra tərəfdarları ilə birlikdə Türkiyə Böyük Millət Məclisinə doğru hərəkət etdiyi, daha sonra isə Kılıçdaroğlu tərəfdarlarının binaya daxil olduğu iddia edilir.
CHP-də “tam etibarsızlıq” qərarından sonra başladılan intizam prosesində diqqət Əli Mahir Başarıra yönəlib. Bildirilir ki, Kemal Kılıçdaroğlu CHP qərargahı qarşısında onun haqqında sərt ifadələr işlədən Başarıra görə yaxın çevrəsinə “Yalnız onu bağışlamayacağam” deyib.
Məlumata görə, Başarıra qarşı partiyadan qəti xaric olunması tələbi ilə intizam prosesinin başlanması gözlənilir. Məsələnin CHP-nin Mərkəzi İcraiyyə Komitəsinin gündəliyinə çıxarılacağı bildirilir.
Aytən Yaşar/ Turkustan.az
